सहिदको सम्झना

शहीद

हुँदैन बिहान मिर्मिरेमा तारा झरेर नगए

बन्दैन मुलुक दुई-चार सपूत मरेर नगए

ओठमा हाँसो, गालामा लाली तब आउँछ जगतको

देशको पीरले भेटी जब वीरले चढाउँछ रगतको

घाँटीमा फाँसीको माला गोरी वीरले हाँस्ता

मातृभूमिको चरण ढोगी भाग्दछ दासता

उम्रन बाट कसैले बीड छरेर नगए ।

हामीले खाने प्रत्येक गाँसमा रगत छ शहीदको

हामीले फेर्ने प्रत्येक सासमा रगत छ शहीदको

हाम्रो मुटुको प्रत्येक चालमा छ धड्कन शहीदको

पाउने थिएनौँ खुशी तिनले छाडेर नगए

हामीले आफ्नो कर्तव्य बिर्से इतिहासले धिक्कार्ला

गोली निलेका शहीदका प्यारा ती लाशले धिक्कार्ला

शहीद रोएन् हामीले उन्नति गरेर नगए

हुँदैन बिहान मिर्मिरेमा तारा झरेर नगए

बन्दैन मुलुक दुई-चार सपूत मरेर नगए !